"Uotford" hujumchisi Joao Pedro "Liverpul"da Sadio Mane o‘rnini egallashi mumkin. Bu haqda Daily Mail xabar bermoqda.
Manbaga ko‘ra, "Liverpul" bosh murabbiyi Yurgen Klopp shaxsan 20 yoshli braziliyalik futbolchini Manening o‘rnini bosuvchi futbolchi sifatida ko‘rmoqda, xabarlarga ko‘ra, senegallik futbolchi allaqachon "Bavariya" bilan 3 yillik shartnoma borasida kelishib olgan.
Pedro “Uotford”ga 2020 yil yanvarida kelib qo‘shilgan. O‘shandan beri hujumchi barcha musobaqalarda 74 ta o‘yinda 13 ta gol urdi va 5 ta golli uzatmani amalga oshirdi. Pedro va Uotford o‘rtasidagi kelishuv 2025 yilning yozida yakuniga yetadi.