"Lasio" "Selta" yarim himoyachisi Denis Suaresni qo‘lga kiritishi mumkin, deb xabar beradi Calciomercato.

Manbaga ko‘ra, rimliklar bosh murabbiyi Maurisio Sarri 24 yoshli ispaniyalikni jamoani kuchaytirish uchun munosib nomzod deb hisoblamoqda. “Lasio” vakillari allaqachon futbolchining atrofidagilar va “Selta” bilan aloqaga chiqishgan.

2021/22 yilgi mavsumda Suares vigoliklar safida 40 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Transfermarkt.com portali futbolchining narxini 10 million yevroga baholamoqda.