"Лацио" "Сельта" ярим ҳимоячиси Денис Суаресни қўлга киритиши мумкин, деб хабар беради Calciomercato.

Манбага кўра, римликлар бош мураббийи Маурицио Сарри 24 ёшли испанияликни жамоани кучайтириш учун муносиб номзод деб ҳисобламоқда. “Лацио” вакиллари аллақачон футболчининг атрофидагилар ва “Сельта” билан алоқага чиқишган.

2021/22 йилги мавсумда Суарес виголиклар сафида 40 та ўйинда майдонга тушиб, 4 та гол урди ва 6 та голли узатмани амалга оширди. Transfermarkt.com портали футболчининг нархини 10 миллион еврога баҳоламоқда.