Mana, «ko‘hna qit’a»ning aksariyat milliy ligalarida navbatdagi mavsum yakuniga yetdi.
Yevropaning ichki birinchiliklarida eng ko‘p g‘alaba qozongan klubni bilasizmi? Bu - «Linfild»! Shimoliy Irlandiya chempionati ishtirokchisi yakunlangan mavsum o‘z tarixida 56-marta oltin medal yutib, bu borada mutlaq rekordchiga aylandi.
Oxirgi mavsumga qadar Yevropada chempionlik soni bo‘yicha ikki klub yetakchilik qilayotgandi - «Linfild» va «Glazgo Reynjers». Shotlandiya jamoasi bu safar oltin medal uchun kurashda «Seltik»ka bas kelolmadi. Uzoq 1886 yili tuzilgan Belfast klubi esa qatorasiga 4-marta Shimoliy Irlandiya chempioni bo‘lib, oltin medallar soni bo‘yicha Yevropa reytingida mutlaq 1-o‘ringa ko‘tarildi.
«Linfild» yoxud «Glentoran» (jamoaning yana bir nomi) mamlakat Premyer-ligasida qatorasiga 23 mavsum g‘olib chiqqan - bu ham rekord. Qolaversa, rekordchi klub 22 marta «oltin dubl» (chempionlik + kubok) qayd qilgan. To‘g‘ri, «Linfild» yevrokuboklardagi katta natijasi bilan maqtanolmaydi. Uning eng yaxshi ishtiroki mavsum-1966/1967da kuzatilgan. Belfastliklar o‘shanda Yevropa Chempionlar kubogi turniri chorak finaliga chiqishgandi.
*** Yevropa milliy chempionatlarida eng ko‘p g‘olib chiqqan klublarning kuchli beshligida qit’ada oldinda turuvchi 5ta liga (Angliya, Ispaniya, Italiya, Germaniya va Fransiya)dan biror vakil yo‘q.
*** Yevropa milliy chempionatlarida eng ko‘p g‘olib chiqqan klublarning kuchli uchligida Shotlandiya Premer Ligasidan ikki vakil bor - «Reynjers» va «Seltik». Shu ikki klub hisobida naq 107ta chempionlik kubogi bor!
Yevropa klub futbolidagi eng ilG‘or chempionlar
№ Klub Mamlakat Marta
1 «Linfild» SH.Irlandiya 56
2 «Reynjers» Shotlandiya 55
3 «Seltik» Shotlandiya 52
4 «Olimpiakos» Gresiya 47
5 «Benfika» Portugaliya 37
6 «Yuventus» Italiya 36
«Ayaks» Niderlandiya 36
«Sparta» Chexiya/CHexoslovakiya 36
9 «Real» Ispaniya 35
10 «Anderlext» Belgiya 34
