“Roma” bilan shartnomasi 2021/22 yilgi mavsum oxirida yakuniga yetadigan armanistonlik yarim himoyachi Genrix Mxitaryan faoliyatini “Inter”da davom ettirishga qaror qildi. Bu haqda jurnalist Janluidji Longari xabar berdi.
Oldinroq “neradzurrilar” 33 yoshli armanistonlik futbolchiga mavsumiga 3,5 million yevro maosh bilan ikki yillik shartnoma taklif qilgani haqida xabar berilgandi.
"Roma" ham Mxitaryanni saqlab qolishdan manfaatdor edi va unga yiliga 3 million yevro maosh bilan 1+1 shartnoma taklif qildi.
O‘tgan mavsumda Mxitaryan barcha musobaqalarda 44 ta o‘yinda 5 ta gol urdi va 9 ta golli uzatmani amalga oshirdi.