“Рома” билан шартномаси 2021/22 йилги мавсум охирида якунига етадиган арманистонлик ярим ҳимоячи Генрих Мхитарян фаолиятини “Интер”да давом эттиришга қарор қилди. Бу ҳақда журналист Жанлуиджи Лонгари хабар берди.
Олдинроқ “нерадзуррилар” 33 ёшли арманистонлик футболчига мавсумига 3,5 миллион евро маош билан икки йиллик шартнома таклиф қилгани ҳақида хабар берилганди.
"Рома" ҳам Мхитарянни сақлаб қолишдан манфаатдор эди ва унга йилига 3 миллион евро маош билан 1+1 шартнома таклиф қилди.
Ўтган мавсумда Мхитарян барча мусобақаларда 44 та ўйинда 5 та гол урди ва 9 та голли узатмани амалга оширди.