"Arsenal" "Barselona" himoyachisi Kleman Langlega qiziqish bildirmoqda, deb xabar beradi The Times.
Manbaning xabariga ko‘ra, ingliz klubi yozgi transfer oynasida futbolchi sotib olish variantini ko‘rib chiqmoqda.
Kataloniyaliklar futbolchidan qutulishga tayyor. Oldinroq fransiyalik himoyachiga "Tottenxem" qiziqayotgani haqida xabarlar tarqalgan edi.
26 yoshli Langle joriy mavsumda “Barselona” safida barcha turnirlarda 27 ta o‘yinda maydonga tushdi va bitta golli uzatmani amalga oshirdi.
Uning klub bilan shartnomasi 2026 yilning yoziga qadar mo‘ljallangan.
