"Арсенал" "Барселона" ҳимоячиси Клеман Ланглега қизиқиш билдирмоқда, деб хабар беради The Times.

Манбанинг хабарига кўра, инглиз клуби ёзги трансфер ойнасида футболчи сотиб олиш вариантини кўриб чиқмоқда.

Каталонияликлар футболчидан қутулишга тайёр. Олдинроқ франциялик ҳимоячига "Тоттенхэм" қизиқаётгани ҳақида хабарлар тарқалган эди.

26 ёшли Лангле жорий мавсумда “Барселона” сафида барча турнирларда 27 та ўйинда майдонга тушди ва битта голли узатмани амалга оширди.

Унинг клуб билан шартномаси 2026 йилнинг ёзига қадар мўлжалланган.