Le Dauphine xabariga ko‘ra, "Lion" hozirda Fransiya klubida ijara asosida o‘ynayotgan "Shaxtyor"ning braziliyalik yarim himoyachisi Tetening transfer huquqini sotib olmoqchi.

Manbaga ko‘ra, Ukraina klubi futbolchi uchun 28 million yevro talab qilmoqda. "Lion" rahbariyati esa bu narx juda qimmat deb hisoblamoqda.

22 yoshli Tete joriy mavsumda “Lion” safida barcha turnirlarda 11 ta o‘yinda maydonga tushib, 2 ta gol urdi va 5 ta golli uzatmani amalga oshirdi. Uning "Shaxtyor" bilan shartnomasi 2023 yilning 31 yanvarigacha amal qiladi.