Karlos Teves faoliyatini yakunlaganini e’lon qildi.

“Faoliyatimni yakunladim, buni tasdiqlayman. Menga ko‘plab jamoalardan takliflar bo‘lgandi, lekin futbolchi sifatida men allaqachon qo‘limdan kelgan barchasini qildim”, - dedi 38 yoshli futbolchi.

Sobiq hujumchi faoliyatini yakunlash qaroriga otasining o‘limi ta’sir qilganini ta’kidladi.

“Birinchi raqamli muxlisimni yo‘qotdim va shu sabab boshqa o‘ynashni xohlamadim”, - dedi Teves.

Faoliyati davomida Teves “Boka Xuniors”, “Korintians”, “Vest Xem”, “Manchester Yunayted”, “Manchester Siti”, “Yuventus” va “Shanxay Shenxua” klublarida to‘p tepgan.