23 yoshgacha bo‘lgan futbolchilar o‘rtasida bo‘lib o‘tayotgan Osiyo Kubogi guruh bosqichi 2-turidan o‘rin olgan uchrashuvda O‘zbekiston Qatarga qarshi o‘yin o‘tkazib, o‘ta yirik 6:0 hisobida g‘alaba qozondi.
Termamiz safida Jasur Jaloliddinov, Hojimat Erkinov, Husayn Norchayev, Ulug‘bek Hoshimov va Ruslan Jiyanov bittadan gol urishgan bo‘lsa, qatarliklar futbolchisi Yusuf Farhad o‘z darvozasiga to‘p kiritib qo‘ydi.
Ushbu g‘alaba orqali termamiz o‘z ochkolarini 6 taga yetkazdi va A guruhida muddatidan avval 1-o‘rin bilan keyingi bosqich masalasini hal qildi.
Osiyo Kubogi U23. 2-tur
4 may, 20:00
Toshkent. "Paxtakor"
Qatar - O‘zbekiston - 0:6
Gollar: 6 - Jasur Jaloliddinov (1:0), 20 - Hojimat Erkinov (2:0), 45+1 - Husayn Norchayev (3:0), 60 - Ulug‘bek Hoshimov (4:0), 63 - avtogol Yusuf (5:0), 67 - Ruslan Jiyanov (6:0)
Qatar: Malolah, Yusuf Farahat, Altairi, Umaru, Mustafo Tariq, Yusuf Abdurisag, Hoshim Ali, Al-Sulaiti, Abdusallom, Suhail, Zakariyo
O‘zbekiston: Abduvohid Ne’matov, Saidazamat Mirsaidov, Doston Tursunov, Muhammadqodir Hamraliyev, Hojimat Erkinov, Ibrohim Ibragimov, Ulug‘bek Hoshimov, Jasur Jaloliddinov, Alibek Davronov, Husayn Norchayev, Abduraif Bo‘riyev.
