23 ёшгача бўлган футболчилар ўртасида бўлиб ўтаётган Осиё Кубоги гуруҳ босқичи 2-туридан ўрин олган учрашувда Ўзбекистон Қатарга қарши ўйин ўтказиб, ўта йирик 6:0 ҳисобида ғалаба қозонди.
Термамиз сафида Жасур Жалолиддинов, Ҳожимат Эркинов, Ҳусайн Норчаев, Улуғбек Ҳошимов ва Руслан Жиянов биттадан гол уришган бўлса, қатарликлар футболчиси Юсуф Фарҳад ўз дарвозасига тўп киритиб қўйди.
Ушбу ғалаба орқали термамиз ўз очколарини 6 тага етказди ва A гуруҳида муддатидан аввал 1-ўрин билан кейинги босқич масаласини ҳал қилди.
Осиё Кубоги U23. 2-тур
4 май, 20:00
Тошкент. "Пахтакор"
Қатар - Ўзбекистон - 0:6
Голлар: 6 - Жасур Жалолиддинов (1:0), 20 - Ҳожимат Эркинов (2:0), 45+1 - Ҳусайн Норчаев (3:0), 60 - Улуғбек Ҳошимов (4:0), 63 - автогол Юсуф (5:0), 67 - Руслан Жиянов (6:0)
Қатар: Малолаҳ, Юсуф Фараҳат, Алтаири, Умару, Мустафо Тариқ, Юсуф Абдурисаг, Ҳошим Али, Ал-Сулаити, Абдусаллом, Суҳаил, Закариё
Ўзбекистон: Абдувоҳид Неъматов, Саидазамат Мирсаидов, Достон Турсунов, Муҳаммадқодир Ҳамралиев, Ҳожимат Эркинов, Иброҳим Ибрагимов, Улуғбек Ҳошимов, Жасур Жалолиддинов, Алибек Давронов, Ҳусайн Норчаев, Абдураиф Бўриев.
