Jurnalist Fabrisio Romanoning xabar berishicha, "Nyukasl" "Reyms" bilan hujumchi Ugo Ekitike transferi bo‘yicha kelishuvga erishdi.

Manbaga ko‘ra, ingliz klubi 19 yoshli fransuz uchun 30 million yevro to‘laydi, shartnomada qo‘shimcha 5 million yevrolik to‘lov futbolchining o‘yinlari bilan bog‘liq bonuslar sifatida ko‘rsatilgan.

Ayni damda "Nyukasl" futbolchining shaxsiy shartnomasi shartlari bo‘yicha forvardning agenti bilan muzokara olib bormoqda.

2021/22-yilgi mavsumda Ekitike “Reyms” safida 27 ta o‘yinda maydonga tushib, 11 ta gol urdi va 5 ta golli uzatmani amalga oshirdi. Transfermarkt.com portali hujumchining narxini 28 million yevroga baholamoqda.