Журналист Фабрицио Романонинг хабар беришича, "Ньюкасл" "Реймс" билан ҳужумчи Уго Экитике трансфери бўйича келишувга эришди.
Манбага кўра, инглиз клуби 19 ёшли француз учун 30 миллион евро тўлайди, шартномада қўшимча 5 миллион евролик тўлов футболчининг ўйинлари билан боғлиқ бонуслар сифатида кўрсатилган.
Айни дамда "Ньюкасл" футболчининг шахсий шартномаси шартлари бўйича форварднинг агенти билан музокара олиб бормоқда.
2021/22-йилги мавсумда Экитике “Реймс” сафида 27 та ўйинда майдонга тушиб, 11 та гол урди ва 5 та голли узатмани амалга оширди. Transfermarkt.com портали ҳужумчининг нархини 28 миллион еврога баҳоламоқда.
