"Yuventus" tez orada yarim himoyachi Pol Pogba vakillari bilan yangi muzokaralar olib boradi. Jurnalist Fabrisio Romanoning so‘zlariga ko‘ra, unda shartnomaning so‘nggi tafsilotlari muhokama qilinadi.

Tomonlar kelishuv bo‘yicha prinsipial kelishuvga erishgan. 29 yoshli fransiyalik futbolchining maoshi bonuslarni hisobga olmaganda yiliga 8 million yevroni tashkil qiladi.

1 iyun kuni “Manchester Yunayted” Pogbaning tekinga jamoadan ketishini e’lon qildi. O‘tgan mavsumda u barcha musobaqalarda 27 ta o‘yinda 1 ta gol urdi va 9 ta golli uzatmani amalga oshirdi.