"Ювентус" тез орада ярим ҳимоячи Поль Погба вакиллари билан янги музокаралар олиб боради. Журналист Фабрицио Романонинг сўзларига кўра, унда шартноманинг сўнгги тафсилотлари муҳокама қилинади.
Томонлар келишув бўйича принципиал келишувга эришган. 29 ёшли франциялик футболчининг маоши бонусларни ҳисобга олмаганда йилига 8 миллион еврони ташкил қилади.
1 июнь куни “Манчестер Юнайтед” Погбанинг текинга жамоадан кетишини эълон қилди. Ўтган мавсумда у барча мусобақаларда 27 та ўйинда 1 та гол урди ва 9 та голли узатмани амалга оширди.
