"Bavariya" yarim himoyachisi Serj Gnabri yozda jamoani tark etish haqidagi fikrini o‘zgartirdi, deb xabar qilmoqda jurnalist Kerri Xou.
Manbaning xabariga ko‘ra, futbolchi keyingi mavsumda ham klubda o‘ynashni davom ettirishga tayyor. Tomonlar o‘rtasida yangi shartnoma bo‘yicha muzokaralar hamon davom etmoqda. Gnabri "Bavariya" rahbariyatining so‘nggi taklifini qabul qilmadi.
Xabar qilinishicha, yarim himoyachiga "Real" va "Liverpul" klublari qiziqish bildirishgan.
26 yoshli futbolchining jamoa bilan amaldagi shartnomasi 2023 yilning yozida yakuniga yetadi.
2021/2022 yilgi mavsumda u Bundesliganing 34 ta uchrashuvida 14 ta gol urdi va 5 ta golli uzatmani amalga oshirdi.
