"Real Madrid" Serj Gnabrini sotib olmoqchi emas.

Marca xabariga ko‘ra, madridliklar "Bavariya" vingerining Myunxen klubi bilan shartnomasi kelasi yozda tugashiga qaramay, unga qiziqish bildirmayapti.

"Real Madrid" rahbariyati hujumning o‘ng qanotiga Rodrigo va Marko Asensio yetarli deb hisoblamoqda. Vinisius Junior borligi tufayli chap qanotda o‘ynay olmayotgan braziliyalik futbolchi o‘ng qanotda o‘ynashga moslashmoqda.

Bunday sharoitda "Real Madrid" Gnabriga qiziqish bildirmaydi.

Nemis o‘tgan mavsumda barcha musobaqalarda 45 ta o‘yinda maydonga tushib, 17 ta gol urdi va 7 ta golli uzatmani amalga oshirdi.