"Реал Мадрид" Серж Гнабрини сотиб олмоқчи эмас.
Маrcа хабарига кўра, мадридликлар "Бавария" вингерининг Мюнхен клуби билан шартномаси келаси ёзда тугашига қарамай, унга қизиқиш билдирмаяпти.
"Реал Мадрид" раҳбарияти ҳужумнинг ўнг қанотига Родриго ва Марко Асенсио етарли деб ҳисобламоқда. Винисиус Жуниор борлиги туфайли чап қанотда ўйнай олмаётган бразилиялик футболчи ўнг қанотда ўйнашга мослашмоқда.
Бундай шароитда "Реал Мадрид" Гнабрига қизиқиш билдирмайди.
Немис ўтган мавсумда барча мусобақаларда 45 та ўйинда майдонга тушиб, 17 та гол урди ва 7 та голли узатмани амалга оширди.
