Madridning “Real” klubi “Monako” yarim himoyachisi Orlyen Tchuameni uchun kurashda favorit, deya xabar beradi Goal.

Biroq muzokaralarga "PSJ" aralashdi va endi "Monako" moliyaviy talablarini oshirdi.

"Real Madrid" futbolchining klubga o‘tish istagiga tayangan holda, Tchuamenining narxini imkon qadar arzonlashtirishga harakat qilmoqda.

22 yoshli fransiyalik futbolchi "Real"ga o‘tish fikriga qat’iy sodiq, garchi "PSJ" hujumchisi Kilian Mbappe va klubning bo‘lajak sport direktori Luis Kampos uni fikrini o‘zgartirishga undashayotgan bo‘lsa-da.

O‘tgan mavsumda Tchuameni "Monako" safida barcha musobaqalarda 50 ta o‘yinda maydonga tushib, 5 ta gol urdi va 3 ta golga assistentlik qildi.

Yarim himoyachining klub bilan shartnomasi 2024 yilning 30 iyuniga qadar amal qiladi.