"Torino" himoyachisi Gleyson Bremer "Inter"ga o‘tishga yaqin turibdi, deya xabar berdi Nikolo Skira. Shu hafta tomonlar yangi yig‘ilish o‘tkazishadi va unda 25 yoshli braziliyalik transferning yakuniy tafsilotlarini hal qilishga harakat qilishadi.
2021/22 yilgi mavsum yakunida Bremer A seriyaning eng yaxshi himoyachisi deb topildi.
O‘tgan mavsumda braziliyalik futbolchi Italiya chempionatida 33 ta o‘yin o‘tkazib, 3 ta gol urgan va 1 ta golli uzatmani amalga oshirgan.
Uning shartnomasi 2024 yilning iyunigacha amal qiladi. Transfermarkt portali futbolchini 30 million yevroga baholamoqda.
