"Торино" ҳимоячиси Глейсон Бремер "Интер"га ўтишга яқин турибди, дея хабар берди Николо Скира. Шу ҳафта томонлар янги йиғилиш ўтказишади ва унда 25 ёшли бразилиялик трансфернинг якуний тафсилотларини ҳал қилишга ҳаракат қилишади.
2021/22 йилги мавсум якунида Бремер А сериянинг энг яхши ҳимоячиси деб топилди.
Ўтган мавсумда бразилиялик футболчи Италия чемпионатида 33 та ўйин ўтказиб, 3 та гол урган ва 1 та голли узатмани амалга оширган.
Унинг шартномаси 2024 йилнинг июнигача амал қилади. Transfermarkt портали футболчини 30 миллион еврога баҳоламоқда.
