"Yuventus" himoyachisi Matteys de Ligt Turin klubi rahbariyati bilan shartnomani uzaytirish bo‘yicha muzokaralarning borishi haqida gapirdi.
"Muzokaralar olib borilmoqda, lekin men allaqachon rozi bo‘lganim to‘g‘ri emas. Muzokaralar sekin ketmoqda. Mening shartnomamga hali ikki yil bor, shuning uchun o‘ylashga ko‘p vaqt bor", - deya de Ligtdan iqtibos keltiradi ESPN.
2021/22 yilgi mavsumda de Ligt “Yuventus” safida barcha turnirlar doirasida 42 ta o‘yinda maydonga tushib, 3 ta gol urdi va bitta golli uzatmani amalga oshirdi.
