UYEFA millatlar ligasi musobaqasi "C" ligasi 3-guruhidan o‘rin olgan Slovakiya va Qozog‘iston terma jamoalari o‘rtasidagi o‘yinda kutilmagan natija qayd etildi.

Mezbonlar birinchi bo‘limni sust o‘tkazishdi. Qo‘shnilarimiz esa tanaffusga qadar bir nechta xavfli vaziyatlar yaratib, ularning birini 26-daqiqada golga aylantirishdi.

Slovakiyaliklar ikkinchi bo‘limda o‘z o‘yinlarini kuchaytib, to‘liq tashabbusga ega bo‘lishdi. Ikki marta to‘p Qozog‘iston darvozasiga to‘siniga tekkan bo‘lsa, bitta gol VAR yordamida bekor qilindi.

Shu tariqa, Qozog‘iston 2ta o‘yinda 6 ochko jamg‘arib, guruh peshqadamiga aylandi.

Millatlar ligasi
Slovakiya – Qozog‘iston 0:1 (0:1, 0:0)
Gol: 0:1 – 26 Darabayev.
Slovakiya – Rodak, Kosselnik (Streles, 83), Dyomber, Shkrinyar (Valyent, 43), Xvatal, Vayss (Suslov, 46), Kuska, Lobotka, Rusnak (Bojenik, 71), Shrans (Garaslin, 46), Almashi.
Qozog‘iston – Shaskiy, Gabishev (Kairov, 65), Maliy, Marochkin, Alip, Dosmagambetov, Darabayev (Jarinbetov, 73), Kuat, Orazov (Vorogovskiy, 59), Astanov (Vasilyev, 73), Aymbetov (Shushenachev, 65).
Ogohlantirishlar: Dosmagambetov (29), Vayss (32), Alip (37), Kuska (39), Garaslin (61), Shaskiy (73), Shushenachev (74), Almashi (83), Maliy (86), Kairov (87).