УЕФА миллатлар лигаси мусобақаси "C" лигаси 3-гуруҳидан ўрин олган Словакия ва Қозоғистон терма жамоалари ўртасидаги ўйинда кутилмаган натижа қайд этилди.

Мезбонлар биринчи бўлимни суст ўтказишди. Қўшниларимиз эса танаффусга қадар бир нечта хавфли вазиятлар яратиб, уларнинг бирини 26-дақиқада голга айлантиришди.

Словакияликлар иккинчи бўлимда ўз ўйинларини кучайтиб, тўлиқ ташаббусга эга бўлишди. Икки марта тўп Қозоғистон дарвозасига тўсинига теккан бўлса, битта гол VAR ёрдамида бекор қилинди.

Шу тариқа, Қозоғистон 2та ўйинда 6 очко жамғариб, гуруҳ пешқадамига айланди.

Миллатлар лигаси
Словакия – Қозоғистон 0:1 (0:1, 0:0)
Гол: 0:1 – 26 Дарабаев.
Словакия – Родак, Косцелник (Стрелец, 83), Дьомбер, Шкриньяр (Вальент, 43), Хватал, Вайсс (Суслов, 46), Куцка, Лоботка, Руснак (Боженик, 71), Шранц (Гараслин, 46), Альмаши.
Қозоғистон – Шацкий, Габишев (Каиров, 65), Малий, Марочкин, Алип, Досмагамбетов, Дарабаев (Жаринбетов, 73), Куат, Оразов (Вороговский, 59), Астанов (Васильев, 73), Аймбетов (Шушеначев, 65).
Огоҳлантиришлар: Досмагамбетов (29), Вайсс (32), Алип (37), Куцка (39), Гараслин (61), Шацкий (73), Шушеначев (74), Альмаши (83), Малый (86), Каиров (87).