Daniya terma jamoasi Millatlar ligasi guruh bosqichini safardagi 2ta o‘yin bilan boshladi va har ikki bahsda g‘alaba qozondi. Daniyaliklar 2 kun avval Fransiyani mag‘lub etishgan bo‘lsa, jamoa kecha Avstriya maydonidan g‘alaba bilan qaytdi.

Mehmonlar birinchi bo‘lim o‘rtalarida Xeybyergning goli evaziga hisobni ochishgan bo‘lsa, mezbonlar ikkinchi bo‘limda muvozanatni tiklashdi. O‘yin tugashiga 6 daqiqa qolganida esa Larsen Daniyaga g‘alaba keltiruvchi gol muallifiga aylandi.

Shu tariqa, Daniya ushbu guruhda 6 ochko bilan yetakchilik qilayotgan bo‘lsa, Avstriya hisobida 3 ochko mavjud. Fransiya va Xorvatiya esa 1 ochko bilan keyingi pog‘onalarni egallab turishibdi.

Millatlar ligasi. "A" liga, 1-guruh, 2-tur
Avstriya – Daniya 1:2 (0:1, 1:1)
Gollar:  0:1 – 27 Xeybyerg, 1:1 – 67 Shlager, 1:2 – 84 Larsen.
Avstriya – Pents, Trimmel, Alaba, Posh (Danzo, 63), Fridl (Veber, 78), Laymer, Shlager, Baumgartner (Zabitser, 46), Lyubichich (Arnautovich, 46), Zayvald, Kalaydjich (Gregorich, 46).
Daniya – Shmeyxel, Kristensen, Vestergor (Kornelius, 52), Andersen, Nelsson, Mele (Larsen, 66), Eriksen, Xeybyerg, Yensen (Dileyni, 80), Breytueyt (Olsen, 52), Poulsen (Damsgor, 52).
Ogohlantirishlar: Poulsen (35), Yensen (65).