Дания терма жамоаси Миллатлар лигаси гуруҳ босқичини сафардаги 2та ўйин билан бошлади ва ҳар икки баҳсда ғалаба қозонди. Данияликлар 2 кун аввал Францияни мағлуб этишган бўлса, жамоа кеча Австрия майдонидан ғалаба билан қайтди.

Меҳмонлар биринчи бўлим ўрталарида Хейбьергнинг голи эвазига ҳисобни очишган бўлса, мезбонлар иккинчи бўлимда мувозанатни тиклашди. Ўйин тугашига 6 дақиқа қолганида эса Ларсен Данияга ғалаба келтирувчи гол муаллифига айланди.

Шу тариқа, Дания ушбу гуруҳда 6 очко билан етакчилик қилаётган бўлса, Австрия ҳисобида 3 очко мавжуд. Франция ва Хорватия эса 1 очко билан кейинги поғоналарни эгаллаб туришибди.

Миллатлар лигаси. "А" лига, 1-гуруҳ, 2-тур
Австрия – Дания 1:2 (0:1, 1:1)
Голлар:  0:1 – 27 Хейбьерг, 1:1 – 67 Шлагер, 1:2 – 84 Ларсен.
Австрия – Пентц, Триммель, Алаба, Пош (Данзо, 63), Фридль (Вебер, 78), Лаймер, Шлагер, Баумгартнер (Забитцер, 46), Любичич (Арнаутович, 46), Зайвальд, Калайджич (Грегорич, 46).
Дания – Шмейхель, Кристенсен, Вестергор (Корнелиус, 52), Андерсен, Нельссон, Мэле (Ларсен, 66), Эриксен, Хейбьерг, Йенсен (Дилэйни, 80), Брэйтуэйт (Ольсен, 52), Поульсен (Дамсгор, 52).
Огоҳлантиришлар: Поульсен (35), Йенсен (65).