Fransiya terma jamoasi hujumchisi Kilian Mbappe Millatlar ligasi doirasida Avstriyaga qarshi o‘yin oldidan milliy terma jamoa mashg‘ulotlarini o‘tkazib yubordi, deb xabar beradi Le Parisen.
Yana bir fransuz futbolchisi N'Golo Kante fitnes murabbiyi bilan yakka tartibda ishlagan. Mbappe mashg‘ulot yakunida maydonga faqat shorti va krossovkalarda tushdi.
Eslatib o‘tamiz, "PSJ" hujumchisi Mbappe Daniyaga qarshi o‘tgan o‘yinda (1:2) tizzasidan jarohat olgan edi.
10 iyun kuni Fransiya terma jamoasi safarda Avstriyaga qarshi bahs olib boradi.
Uchrashuv Vena shahrida bo‘lib o‘tadi, o‘yin 23.45 (Toshkent vaqti bilan) da boshlanadi.
