Франция терма жамоаси ҳужумчиси Килиан Мбаппе Миллатлар лигаси доирасида Австрияга қарши ўйин олдидан миллий терма жамоа машғулотларини ўтказиб юборди, деб хабар беради Le Parisen.
Яна бир француз футболчиси Н'Голо Канте фитнес мураббийи билан якка тартибда ишлаган. Мбаппе машғулот якунида майдонга фақат шорти ва кроссовкаларда тушди.
Эслатиб ўтамиз, "ПСЖ" ҳужумчиси Мбаппе Данияга қарши ўтган ўйинда (1:2) тиззасидан жароҳат олган эди.
10 июнь куни Франция терма жамоаси сафарда Австрияга қарши баҳс олиб боради.
Учрашув Вена шаҳрида бўлиб ўтади, ўйин 23.45 (Тошкент вақти билан) да бошланади.
