Rimning “Roma” klubi “Lill”ning turkiyalik himoyachisi Zeki Chelik bilan shartnoma imzolashga yaqin turibdi, deya xabar bermoqda jurnalist Janluka Di Marsio.
Manbaga ko‘ra, Italiya klubi futbolchi uchun taxminan 7,5 million yevro to‘lashga tayyor. Fransuzlar futbolchini 9 millionga baholamoqda. Katta ehtimol bilan klublar murosaga kelishadi. Chelik "Roma" bilan yiliga ikki million yevro maosh oladigan shaxsiy shartnoma shartlarini kelishib oldi.
25 yoshli Chelik o‘tgan mavsumda "Lill" safida barcha musobaqalarda 40 ta o‘yinda maydonga tushib, 3 ta gol urdi va 3 ta golli uzatmani amalga oshirdi.
