Римнинг “Рома” клуби “Лилль”нинг туркиялик ҳимоячиси Зеки Челик билан шартнома имзолашга яқин турибди, дея хабар бермоқда журналист Жанлука Ди Марцио.
Манбага кўра, Италия клуби футболчи учун тахминан 7,5 миллион евро тўлашга тайёр. Французлар футболчини 9 миллионга баҳоламоқда. Катта эҳтимол билан клублар муросага келишади. Челик "Рома" билан йилига икки миллион евро маош оладиган шахсий шартнома шартларини келишиб олди.
25 ёшли Челик ўтган мавсумда "Лилль" сафида барча мусобақаларда 40 та ўйинда майдонга тушиб, 3 та гол урди ва 3 та голли узатмани амалга оширди.
