"Monako" yarim himoyachisi Orlyen Tchuameni tez orada "Real"ga o‘tadi. Bu haqda insayder Fabrisio Romano xabar berdi.
Manba bergan xabarga ko‘ra, fransiyalik futbolchi 13 iyun kuni Millatlar ligasi doirasidagi Fransiya - Xorvatiya uchrashuvidan so‘ng ispan klubiga transferini yakunlash uchun tibbiy ko‘rikdan o‘tadi.
Transfermarkt yarim himoyachining hozirgi bozor qiymatini 40 million yevroga baholagan.
Tchuameni o‘tgan mavsumda barcha turnirlarda 50 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
Futbolchining “Monako” bilan shartnomasi 2024 yilda yakuniga yetadi.