"Монако" ярим ҳимоячиси Орльен Тчуамени тез орада "Реал"га ўтади. Бу ҳақда инсайдер Фабрицио Романо хабар берди.
Манба берган хабарга кўра, франсиялик футболчи 13 июнь куни Миллатлар лигаси доирасидаги Франция - Хорватия учрашувидан сўнг испан клубига трансферини якунлаш учун тиббий кўрикдан ўтади.
Transfermarkt ярим ҳимоячининг ҳозирги бозор қийматини 40 миллион еврога баҳолаган.
Тчуамени ўтган мавсумда барча турнирларда 50 та ўйинда майдонга тушиб, 5 та гол урди ва 3 та голли узатмани амалга оширди.
Футболчининг “Монако” билан шартномаси 2024 йилда якунига етади.
