"Manchester Siti" yarim himoyachisi Ilkay Gyundogan yozda jamoani tark etishi mumkin.
Bild xabariga ko‘ra, shartnomasi 2023 yilgacha mo‘ljallangan 31 yoshli futbolchiga "Barselona" va "Yuventus" klublari qiziqish bildirmoqda.
Manbaga ko‘ra, kataloniyaliklar nemis yarim himoyachisining orzusidagi klub. Shuningdek, "Yuventus" ham futbolchi jamoa yarim himoyasi uchun ayni kerakli o‘yinchi ekanligiga ishonmoqda.
2021/22 yilgi mavsumda Gyundogan "Siti" safida barcha musobaqalarda 43 ta o‘yinda maydonga tushib, 10 ta gol urdi va 6 ta golli uzatmani amalga oshirdi.