"Lasio" yarim himoyachisi Sergey Milinkovich-Savich faoliyatini Angliyada davom ettirishi mumkin, deb xabar beradi Correira Dello Sport.
Manbaga ko‘ra, 27 yoshli serbga "Arsenal" da’vogarlik qilmoqda va bu futbolchi uchun 49 million yevro to‘lashga tayyor. Shuningdek, yarim himoyachiga "Nyukasl" ham qiziqmoqda.
Milinkovich-Savich o‘tgan mavsumda "Lasio" tarkibida 47 ta o‘yinda maydonga tushib, 11 ta gol va 12 ta golli uzatmani amalga oshirgan. Transfermarkt portali futbolchining narxini 70 million yevroga baholamoqda.