Jurnalist Fabrisio Romanoning xabariga ko‘ra, "Inter" markaziy himoyachisi Milan Shkrinyar "PSJ"ning yozgi transfer maqsadlarida birinchi o‘rinda turadi.
Parij klubi rahbariyati 27 yoshli slovakiyalikning transferi bo‘yicha yana "Inter" vakillari bilan bog‘landi, biroq "neradzurrilar" bilan transfer summasi borasida haligacha kelishuvga erishilmagan.
Oldinroq italyan klubi Shkrinyarga 2026 yilgacha mo‘ljallangan yangi shartnoma taklif qilgani xabar qilingandi. Bunda futbolchining maoshi bonuslarni hisobga olmaganda mavsum uchun 4,5 million yevroni tashkil qiladi.
2021/22 yilgi mavsumda slovakiyalik jamoasi safida 48 ta o‘yinda maydonga tushib, 4 ta gol urishga muvaffaq bo‘ldi. Himoyachining klub bilan amaldagi shartnomasi 2023 yilning iyun oyi oxirigacha amal qiladi.
