Журналист Фабрицио Романонинг хабарига кўра, "Интер" марказий ҳимоячиси Милан Шкриньяр "ПСЖ"нинг ёзги трансфер мақсадларида биринчи ўринда туради.
Париж клуби раҳбарияти 27 ёшли словакияликнинг трансфери бўйича яна "Интер" вакиллари билан боғланди, бироқ "нерадзуррилар" билан трансфер суммаси борасида ҳалигача келишувга эришилмаган.
Олдинроқ итальян клуби Шкриньярга 2026 йилгача мўлжалланган янги шартнома таклиф қилгани хабар қилинганди. Бунда футболчининг маоши бонусларни ҳисобга олмаганда мавсум учун 4,5 миллион еврони ташкил қилади.
2021/22 йилги мавсумда словакиялик жамоаси сафида 48 та ўйинда майдонга тушиб, 4 та гол уришга муваффақ бўлди. Ҳимоячининг клуб билан амалдаги шартномаси 2023 йилнинг июн ойи охиригача амал қилади.
