«Manchester Siti» rahbariyati yarim himoyachi Bernardu Silva bilan xayrlashishga tayyor va uning narxini ma’lum qildi.
Daily Mail xabariga ko‘ra, o‘tgan mavsumda «shaharliklar» 27 yoshli portugaliyalikni 70 million yevroga sotishlari kerak edi. Yangi ma’lumotlarga ko‘ra, «Manchester Siti» rahbarlari endi 94 million yevro evaziga Silva bilan xayrlashishga tayyor.
Yarim himoyachi o‘tgan mavsumda «shaharliklar» safida 50 ta o‘yinda maydonga tushib, 13 ta gol urdi va 7 ta golga assistentlik qildi. Uning «Manchester Siti» bilan amaldagi shartnomasi 2025 yilning yoziga qadar mo‘ljallangan.
Angliya jamoasi tarkibida u o‘tgan mavsumda mamlakat chempioniga aylandi. Futbolchining transfer bozoridagi qiymati 75 million yevroga baholanmoqda.
