"Tottenxem" klubi "AZ Alkmaar" himoyachisi Oven Veyndalga qiziqish bildirmoqda.
Sky Sports Express nashrining xabariga ko‘ra, "shporlar" 22 yoshli futbolchi bilan muzokaralar olib bormoqda. Niderlandiya klubi bilan shartnoma shartlariga ko‘ra, himoyachi London klubiga bor-yo‘g‘i 8,5 million funt sterling evaziga o‘tishi mumkin.
O‘tgan mavsumda Veyndal "AZ" safida barcha musobaqalarda 43 ta o‘yinda maydonga tushib, 1 ta gol urdi va 12 ta golli uzatmani amalga oshirdi. U aynan shu jamoa tarbiyalanuvchisi hisoblanadi.
Transfermarkt portali futbolchini 12 million yevroga baholamoqda. Himoyachining klub bilan shartnomasi 2024 yilning yoziga qadar mo‘ljallangan.