«Real»ga yaqin bo‘lgan jurnalist Xose Feliks Dias ma’lumotiga ko‘ra, jamoaning sobiq futbolchisi Toni Kroos klubga qaytishga juda yaqin.
«Men eshitgan so‘nggi ma’lumotlarga ko‘ra, Toni Kroos "Real"ga qaytishga juda yaqin. Shuningdek, aytishlaricha, uni pul qiziqtirmayapti — u klub tizimida o‘zini namoyon qila oladigan lavozimni istayapti. U klubga qaytishdan xursand bo‘lar edi, ammo bu qarorni qabul qilishi uchun uni ishontiruvchi taklif kerak», — deb yozadi Dias.
Avvalroq ispan OAVlari «Real» prezidenti Florentino Peres Toni Kroos klubda maslahatchi yoki konsultant lavozimini egallashini istayotgani haqida yozgandi. U jamoa tarkibini rejalashtirish va jamoa bilan ishlash jarayonida yordam berishi mumkin.













