“Roma” “Valensiya” hujumchisi Gonsalo Gedeshga qiziqish bildirmoqda, deya xabar beradi Tuttosport.
Manba bergan xabarga ko‘ra, "jallorossi" rahbariyati hujumchi uchun katta mablag‘ sarflashga tayyor, chunki ular jamoa Italiya chempionatining keyingi mavsumi yakunida kuchli to‘rtlikka kirishini kutmoqda.
Gedesh "Roma"ga transferini ko‘rib chiqadi, ammo "Valensiya" bilan 2024 yilda tugaydigan shartnomani uzaytirishga rozi bo‘lishi ham mumkin.
Joriy mavsumda 25 yoshli portugaliyalik ispan klubi safida barcha turnirlar doirasida 42 ta o‘yinda maydonga tushib, 13 ta gol urdi va 6 ta golli uzatmani amalga oshirdi.
Transfermarkt Gonsaloni 40 million yevroga baholagan.
