Kiyevning “Dinamo” klubi va Ukraina terma jamoasi vingeri Viktor Sigankov Angliyaning “Liverpul” klubiga o‘tishi mumkin, deb xabar bermoqda UA-Football Liverpool.com'ga tayanib.
Manba bergan xabarga ko‘ra, mersisaydliklar yaqin orada klubni tark etishi mumkin bo‘lgan Sadio Manega o‘rinbosar qidirmoqda, Viktor Sigankov esa so‘nggi o‘yinlarda terma jamoadagi o‘yini bilan klub rahbariyatining e’tiborini tortgan.
24 yoshli Viktorning “Dinamo” bilan amaldagi shartnomasi 2023 yilgacha amal qiladi. Transfermarkt portali uning qiymatini 25 million yevroga baholamoqda.
Oldinroq "Liverpul" Sadio Maneni "Bavariya"ga sotishi mumkinligi haqida xabarlar tarqalgan edi.