"Milan" klubi "Real" vingeri Marko Asensioga qiziqish bildirmoqda.
Il Correira Dello Sport xabariga ko‘ra, "Milan"ning texnik direktori Paolo Maldini allaqachon "Real" bosh murabbiyi Karlo Anchelotti bilan bog‘lanib, futbolchining holati haqida so‘ragan. Anchelotti 26 yoshli ispaniyalikni qo‘yib yuborishga qarshi emas, ammo "Real Madrid" futbolchini sotish uchun 30-35 million yevro olishni istamoqda.
Asensio xizmatlariga "Arsenal" va "Manchester Yunayted" ham qiziqish bildirmoqda, biroq "Milan" bu ikki klubdan farqli o‘laroq, 2022/23 yilgi mavsumda Chempionlar ligasida o‘ynaydi, bu esa futbolchini qo‘lga kiritish uchun kurashda italyan grandining o‘rnini mustahkamlaydi.