"Милан" клуби "Реал" вингери Марко Асенсиога қизиқиш билдирмоқда.
Il Correira Dello Sport хабарига кўра, "Милан"нинг техник директори Паоло Мальдини аллақачон "Реал" бош мураббийи Карло Анчелотти билан боғланиб, футболчининг ҳолати ҳақида сўраган. Анчелотти 26 ёшли испанияликни қўйиб юборишга қарши эмас, аммо "Реал Мадрид" футболчини сотиш учун 30-35 миллион евро олишни истамоқда.
Асенсио хизматларига "Арсенал" ва "Манчестер Юнайтед" ҳам қизиқиш билдирмоқда, бироқ "Милан" бу икки клубдан фарқли ўлароқ, 2022/23 йилги мавсумда Чемпионлар лигасида ўйнайди, бу эса футболчини қўлга киритиш учун курашда итальян грандининг ўрнини мустаҳкамлайди.