Fransiya terma jamoasi Millatlar ligasi guruh bosqichi doirasidagi o‘yinda Xorvatiyaga 0:1 hisobida imkoniyatni boy berdi.
Uchrashuv natijasini Luka Modrichning yagona goli hal qildi.
OPTA xabariga ko‘ra, Fransiya termasi 23 ta o‘yindan buyon har uchrashuvda kamida bitta gol urayotgan edi. Umuman olganda, ushbu uchrashuvlarda fransuz futbolchilari 51 ta gol urishgan.
Fransiya terma jamoasi so‘nggi bor 2020 yilning 11 noyabr kuni Finlyandiya bilan o‘rtoqlik uchrashuvi (0:2) doirasida maydonni golsiz tark etgandi.