Darvozabon Manuel Noyer milliy terma jamoa safida o‘tkazgan o‘yinlari soni bo‘yicha Filipp Lamga yetib oldi.

Italiyaga qarshi bugungi o‘yin Germaniya terma jamoasi safida Manuel Noyer uchun ketma-ket 116-bahs bo‘ldi.

36 yoshli darvozabon bu ko‘rsatkich bo‘yicha mashhur sobiq himoyachi Filipp Lamga yetib oldi. Ikkalasi ham Germaniya terma jamoasi tarixida oltinchi natijani qayd etmoqda.

Bu boradagi yetakchi Lotar Matteus bo‘lib, u 150 ta o‘yin o‘tkazgan. Miroslav Kloze 137 ta uchrashuv bilan ikkinchi, Lukas Podolski esa 130 ta o‘yin bilan kuchli uchlikni yakunladi. To‘rtinchi va beshinchi o‘rinni Bastian Shvaynshtayger (121) va Tomas Myuller (116) egallagan.