Pro liganing navbatdagi turidan o‘rin olgan "Mash’al" — "Yangiyer" (1:0) uchrashuvidan so‘ng mehmonlar bosh murabbiyi Diyor Mirzaboyev fikrlarini bildirdi.

— Avvalo uzoq masofa bosib kelgan muxlislarimizga minnatdorchilik bildiraman. O‘yinga kelsak, hozir asabiy holatda ko‘p vaziyatlarni eslay olmayman. Yaxshi infratuzilmaga ega jamoaga qarshi o‘ynadik. Golni oddiy holatda o‘tkazib yubordik. Ikkinchidan, bizda ham vaziyatlar bo‘ldi. Gol urishiga qiynalmoqdamiz. Hech qaysi futbolchi atayin gol urmayman, demaydi. Alamli mag‘lubiyat. "Mash’al" begona emas, shu yerni nonini yeganman. Oldinda o‘yinlar yetarlicha. Vaziyatni o‘nglay olamiz. Maqsadimiz kuchli beshlikka kirish. Golda esa diqqatni yo‘qotdik. Markaziy himoyachilar e’tiborni ko‘zdan qochirdi. Fikrim shunday.

— Klubda moliyaviy holat qanday?
— Men kelgunimga qadar oqsash bo‘lib turgandi. Yaqinda viloyat hokimi qabulida bo‘ldik. Homiylar biriktirildi. Bitta odamga qiyin. Hozirgi kunda 2ta mukofot pulidan qarzdorlik bor. Sharoit faqat futbol uchun xizmat qilmoqda. Ishonchlarni oqlashga harakat qilamiz.

— Zaxiradan tushgan futbolchilar qanchalik o‘zlarini oqlashdi?
— Vaziyatlar bilan, golli vaziyatni farqi bor. Zaxiradan tushganlar o‘yinni kuchaytira olishdi. Lekin natija yaxshi bo‘lmadi.