"PSJ" "Sassuolo" hujumchisi Janluka Skamakkaga qiziqish bildirmoqda. Jurnalist Janluka Di Marsioning xabar berishicha, parijliklar klubi 23 yoshli futbolchi uchun 35 million yevro taklif qilgan.
Biroq italiyaliklarni bunday taklif qoniqtirmadi. Ular o‘z yetakchilaridan biri uchun 50 million olmoqchi.
Oldinroq Italiya terma jamoasi futbolchisiga "Milan" va "Arsenal"dan qiziqish borligi haqida xabarlar tarqalgan edi.
2021/22 yilgi mavsumda Skamakka Italiya A seriyasida 36 o‘yinda 16 ta gol urdi.
Hujumchining “Sassuolo” bilan shartnomasi 2026 yilda yakuniga yetadi.
