Madridning «Real» klubi hujumchisi Karim Benzema jamoadagi kelajagi haqidagi savolga javob berdi.

«Real»ni tark etamanmi? «Yo‘q, chunki «Real Madrid» dunyoning eng yaxshi klubi va Ispaniya La Ligasidan yaxshiroq chempionat yo‘q», - deydi Benzema.

34 yoshli hujumchi «qaymoqranglilar» safida 2009 yilning yozidan buyon o‘ynab kelmoqda. Avvalroq u Fransiyaning «Lion» klubida o‘ynagan.

O‘tgan mavsumda Benzema barcha musobaqalarda 46 ta uchrashuvda 44 ta gol urdi va 15 ta golli uzatmani amalga oshirdi. Futbolchining «Real» bilan shartnomasi kelasi yilning iyun oyi oxirida tugaydi.