Мадриднинг «Реал» клуби ҳужумчиси Карим Бензема жамоадаги келажаги ҳақидаги саволга жавоб берди.
«Реал»ни тарк этаманми? «Йўқ, чунки «Реал Мадрид» дунёнинг энг яхши клуби ва Испания Ла Лигасидан яхшироқ чемпионат йўқ», - дейди Бензема.
34 ёшли ҳужумчи «қаймоқранглилар» сафида 2009 йилнинг ёзидан буён ўйнаб келмоқда. Аввалроқ у Франциянинг «Лион» клубида ўйнаган.
Ўтган мавсумда Бензема барча мусобақаларда 46 та учрашувда 44 та гол урди ва 15 та голли узатмани амалга оширди. Футболчининг «Реал» билан шартномаси келаси йилнинг июнь ойи охирида тугайди.
